القصيده :رح جعل ربي يوفقك ويوفقني
ياصغيّر السن قـدرك طاحـت أبراجـه = الجرح خلـى الصخـر ينطـق ونطقنـي
خــلاص مـاعـاد تعنيـنـي ولا حـاجــه = رح جـعـل ربـــي يـوفـقـك ويوفـقـنـي
من بعد ما كنت نور العمر وسراجـه = اليـوم صـرت الظـلام اللـي يطوقـنـي
عطيتك أكثر مـن اللـي كنـت تحتاجـه = أسرفـت فالحـب ليـن الحـب وهقـنـي
خلاص مالي ومال الحـب وإزعاجـه = مالي ومـال الـدروب اللـي تضايقنـي
تعبـت أضـم البحـر واهـدي أمـواجـه = تعبت أجامل وأشوف الوقت يسرقني
شكواي للي عليـه الضيـق وافراجـه = الـلـي إذا شــاء يرحمـنـي ويرزقـنـي
أمـا انـت يابـو جبيـن عـقّـد احجـاجـه = لاعـاد تسـأل علامـك مـنـت طايقـنـي
الـنـاس كــلٍ عـلـى دربــه ومنهـاجـه = وأنا عـن النـاس مابـه شـي يفرقنـي
إلا انـي دايـم أحـب الصـدق وأواجـه = مخلوق والله على هالوضـع خالقنـي
حتـى رفيقـي ضمـاد القلـب وعلاجـه = علـى كثـر مـا أتمسـك فـيـه صدقـنـي
لـو ادري انـه مرافقنـي علـى حاجـه = لاامسّـكـه حاجـتـه وأقـــول فـارقـنـي
فهد المساعد
منتديات حفرالباطن
اذا لم يعمل معك الرابط
ضع الرابط في المتصفح واضغط انتر
www.hafr-albatin.com/vb
