ماتلحق الشرهات مـنبوذ الأفعال
اللي موالفته دروب الرذاله


خله يقول ويكثر القيل والقال
يبطي ولايوصل مقاصد مقاله


جاهل ولايتبع سوى قول جهّال
والكذب يالجاهل قصارن حباله


لامايجمل سيرته ميلة عقال
لاصار فعله مايطاق احتماله


ولا قال انا رجال ماهوب رجال
المرجله ماهي تجي بالسهاله


المرجله لا ماتسمى بالأقوال
يبيلها قرمٍ صعيبٍ مـناله


يعز نفسه عن مداهيل الأنذال
مايفتخر بأفعال عمه وخاله



و ذاك الردي ماله مع الطيب مدهال
يمشي على درب الخنا والضلاله


واقولها واعيد قولي ولو طال
يبطي ولايوصل مقاصد مقاله


الشاعرة : أشواق السعودية