القصيده :انا صعب اعيش العمر بالهم والهوجاس
هــوى البـيض ياسالـم لـهـيـبـه شـديــد الــباس=ومـن عـانـده يـصـعـد مـواعـر تـضاريسه
ولـو هـو عزيـزن يحـرز الطـيـب والـنـومـاس=كـريـمـن ولاتـطـفـي لـهـايـب مـحـامـيـسـه
دليـلـك شـلـيـويـح الــعــطــاوي تـقـل قـرنـاس=لـصـيــحـة مـضـاوي داس حـامـي مـتاريسه
وهـذا الامـيـرابـن الـخـفـاجـي غــدى نـبـراس=يــطــارد عـنـوده لـيـن غـابــت مـرامـيـسـه
وعـقـبـه وطـى درب الـهلـك مـثـل ابـن مرداس=حــبـال الـعـذارى شـاف مـنـهـن لـوالـيسـه
وقـابـيـل وش حـــده لـدربـن ضـعـيـف السـاس=يــريـد الـطـمـع بالـلي زهــتـهــا مـلابـيـسـه
وطـعـنة كلـيـب بـرمـح رجـلـن مـثـل جـسـاس=ســبـب نـاقــتـن لـلـي تـجــرجــر هـداريـسـه
ومـثــلـه مـحـمـد يـوم يـشـكـي عـلـى عــبــاس=مــطــاعـن غـرامـن مـثـل شـاطـر مـكـانـيسـه
وانـا الـيوم مـثل الـلي مـضـى مـن صنوف الناس=خـذتـني عنــودن فــي رهــايــف مـواريـسـه
عـنودن قـبـل جــرحــه وانـا طـايـحـن مـنـحاس=نـطـحــتـه وزادت هــاجـسـي مـع هـواجـيسـه
هـنـوفـن غـطـى جـسـمـه هلايل جـديل الراس=وجــسـمــن قــبـس بـالـروح حـامـي مـقابـيـسـه
جــمـيــع الـحـلا قـدام زيـنـه وقــع مــنـــداس=ومــن شـفــتـهـا فـارع رمـتـنـي وســاويـســه
ومـن عــاند عــيــونـه وقــع يـشـكـي الـلولاس=وزيـنـه غــدى مـرجـع فـــنــونه وتــدريــسـه
خـذت درع مـن بـيـن الـعـذارى وشـالـت كـاس=ومـن كـان يـبــي الـدرس يـحـضـر كـراريـسه
حـلا الـزول والـمـبسـم وفـي طـبـعـهـا الحساس=تـخـلـس الحـشـى واصـبـحـت تـالـي مخـاليسه
بـكـل الـحـلا سـارت عـنـود الـمـهـا مـرواس=ومـن غـار مـن زيــنـــه يـــفـــارق مـجـالـيسـه
وثـوبـن على مـفـتـول جـسـمـه غـدى مـقيـاس=حـمـاهـا ولـي الـعــرش نـظـرة مــنـاجـيــســه
تـلالا بـيـاض الـعـنـق كــنــه لـمـيـع الـمـــاس=تـقــول انــهــا لــيـلـة زفــافـــه لــعـريـســه
اجـل كـيـف لـو شـفـت الـحــبــيــبــه بـدون لـباس=تـقـول انـهـا عـاشـت بـلـنــدن وبـاريـسـه
تـقـول انـهـا الـلـيـــدي ولـو مـامــعـه حـــراس=ولـو مــامــعـه عــشـرة ريــالات فـي كــيـسـه
لـك الـلـه يـلـو كـانــت ديــاره ورى تـكـســاس=غـزيـتـه وجـبـت اوراق نـقـلـه وتـجـنـيــسـه
سـكـنــها بـعـيـدن كــنـهــا مـن ورى مـكـنــاس=عــسـيــرن ولا نـســمــع لـرجــسـة مراويـسـه
ظـروف الـغـلا قـشـرا ودون الـــغـلا جـــلاس=وقــبـلــه مـهـامــيــهــن تــزامــى طـعـامـيـسـه
صـوابــه يــشــادي بـنـدقـن شــالــهـا حـواس=ولافــاد مـــعــلـوقــي صــلابــة كـــراديــســه
كـفـخ بالـحـشـى حــبـــه مـثـل طـقـة الـنحـاس=خـفـوقـي سجـيـنـن واحـدن مـن مـحــابــيـسـه
او انك سـمـعـت بـخـافـق الصدر رجـف الـفاس=وانـا الــلي رجـيـت هـروج مـزحـه وتونـيسـه
وانا صعب اعـيـش العـمـر بالخـوف والهـوجاس=وريــم الــفـلا تــمــشـي وراهــا بـلالــيســه
انـا خــــلـــت بــراقـن تـلالا تـقـل مـــقــبــاس=قــبــل يجـــمــد الـبـاذر بـلافـح مــقــاريــسه
لـيـالـي وتـلـقـى الـربـع تـشـبـع مــن البـسـبـاس=يــشـيـلــه بــعــون الـله رواهـا وتـشـمـيـسه
وتــفــرح ضـعـوفــن ديـنــهـا زاد بـالقـرطـاس=وتــاخــذ هـل الــوعــدات جـيـفـة مـفـاطـيسه
عـسـى الـريـف فـي دار الـحبـايب يجي محـتاس=عـنـودن بـوسـط الـزيـن غـرسـه وتـأسـيـسـه
تركـنـي حـزيـنـن فـي بـحـور الـقـهـر غـطـاس=حريـصـن عـلـى جـذب الـضمـاير وتـمـسـيسـه
الا لـيـتـــنـي مـاجـيــت فـي حـارتـه عــسـاس=ولاشـفـــت مـن حـطــت بـدربـي عــواكـيـســه
او انـي عــلى شـوفـة عـيـونـه طــويــت اليـاس=ولاقـمـت اداري خـطـوتـي عـن دبـابـيـســه
ولـولاي خـايـف طـيـحـتـي مـثـل ابـن فـرنـاس=اركــب جــنــاحــن يــشــلـعـن مـع نـسـانـيسـه
وراع الــهـوى سـهـلـن تـصـيـده بـلا مـفـقـاس=مـــدامــه عـن الــحـسـاد يـتــبــع دواعـيـســه
هــوى الـبـيـض خـلانـي شـبـيـهـن لابـونـواس=ضـحـوكـن ووسـط الـلـيل تـبـدى كـوابـيـســه
واذا عاضــبــت مـالـي بـظـل الـغــلا مــجـلاس=والاحـبـاب مـاتـوضـي عـلـيـنـا فـوانـيـســه
منتديات حفرالباطن
اذا لم يعمل معك الرابط
ضع الرابط في المتصفح واضغط انتر
www.hafr-albatin.com/vb
