قالوا سعودية قلت عز على الراس
ديره بها أهل الكرم والشجاعــــــه
قالوا سعودية قلت يا حي هالنــــاس
أهل الحرم والدين وأهل الوداعـــــه
قالوا سعودية قلت إسم به إحســــاس
تزهى حروفه بالفخر والقناعــــــه
قالوا سعودية قلت فاس للأنجــــاس
يحكم بهم شرع النبي والجماعــــه
قالوا سعودية قلت نهرن بلا قيـــاس
تسقي مواردهم بطيب وشفاعـــــه
قالوا سعودية قلت راسٍ ما ينـــداس
اقوالهم افعال في كل ساعـــــــه
قالوا سعودية قلت فخر على الســاس
يسري فخرهم دون زيف ولكاعــــه
ومهما حكيت وزادوا الناس وسـواس
ومهما زرع أهل الجشع والإشــاعه
يبقى السعودي تاج يزهابه الـــراس
ويبقى الفخر بالسعوديه والشجاعـــه
