سم العقـارب لـو اجـرب  اذوقـه=

ظني يتعكر من جروح(ن)  عطايـب 

ليت الجروح الي احتوتنـي رفوقـه=

وليت السبب معروف وتبطل عجايب 

طعنة زماني .. لو بغيـري تعوقـه=

ان كـان ماهلّـوا عليـه  الترايـب 

اضحك لمن حولي وأخَفّـي حروقـه=

قلب(ن) تكوى من المصايب لهايـب 

نفسي كذا .. للطيب ياهي  شفوقـه=

ورث(ن) من اللي سيرته طيب غايب 

خامست حظ(ن) لكن ابطى شروقـه=

وفي قومته .. لابد يجنـي نشايـب 

الشعر جيته مابـي احفـظ حقوقـه=

همي الاقـي مـن يلبـي النحايـب 

لو هو عصاني غصب عنه  اسوقـه=

حتى الدفاتـر تنفتـح لـي زهايـب 

دامي احس الـدم يجـري بعروقـه=

انا وقصيدي كـل يـوم(ن) طلايـب 

الحزن وثّـق فـي فـؤادي وثوقـه=

حتى لمحت الروح بارض النصايـب 

ليلي سهرته مع نجـوم(ن) تفوقـه=

فوق السحاب مودع(ن)  للمصايـب 

شارد بفكر(ن) خوفي انـي اعوقـه=

ودي مـع الأحـلام أبقـى  هبايـب 

مادام قلبي للفـرح .. بـاح شوقـه=

يالله ولو اوهـام .. ياحلـم خايـب 

راحـت حياتـي بالتمنـي شفوقـه=

تنبض ولكن ..! انتهت دون  صايب 

ياحروف اسمي شفتي انك  عقوقـه=

حتى المعاني تنـزف الـدم  ذايـب


         <للشاعر سلطان الشمري>