القصيده :ابو قلبــ صغيــر
هيه..(يالبى \"قليبك\" ..يابو قلبٍ صغير..! ) = يا مطيّح .. دمعة الشوق..من عين الكبار ..
هيه يالبى عروقك .. اليا غابت عصير .. = وانحنت شمسي..على الغرب..واجتاح الحَمَار
والله إني قبل اعرفك أعرف إني كبير.. = و والله إني عقب عرفك ../ تجاهلت الصغار ..
وأعرف إنك .. (تشبه النور في عين الضرير ) = وأعرف إنك تشبه (الغيث في حال إمتطار)
أنت .. لاحركت رمشك ..عرفت أني اسير ..= وأعرف إنك لا تبسمت .. (احييت الخَضَار )
لاحكيت..انا اشهد إنك .. أمير من أمير = ومن (سكونك اعشق الصمت ..وإحساس الوقار )..
في هدوءك ..كم ورده فراشاته تطير .. = وفي اعاصيرك .. مداين .. يحطمها الدمار
والله اني لا سألتك (وقلت انك بــــــ خير ) = اتطمن واعشق العيش .. والدنيا عمار
انت لامن غبت عني..ولو لحظه يصير..!؟ = في عيوني كل هالكون .. نزعات إحتضار ..!!
كيف تتركني .. فديتك ..وانته شيء غير ..ّ؟ = وانت..فيني حلم ..عاشق..وقصة انبهار
كيف تتركني..لدنيا..بها برد وهجير = كيف تبعد .. دون علمي .. ولا تترك خيار ..!
لا تفكرني ..باخليك .. يالقلب الصغير = روحنا وحده .. من الحب..سوت انشطار
اعشقك ..ياروح سلطان وادري بك تغير = هيه( يالبى قليبك ) .. وانا مثلك اغار ..
لاتخليني فديتك (يابو قلبٍ صغير ) = ولاتغيب.. وتسرق الدمع من عين الكبار
لـ
سلطان الشمري
