القصيده :صدر الشمالي...للشاعر خلف المشعان
السلام عليكم..
قصيدة \"صدر الشمالي\" إحدى رائعات الشاعر خلف مشعان العنزي
يقولون العرب صدر الشمالي مايضيق بساع *** وأنا أقول الصدور اليوم ماعادت شمالية
بدت في داخلي ضيقة عجزت ألقالها مطلاع *** تغيب وترجع وترجع تغيب ومالها نية
عمتني كلمة جتني وضقت وضاق صدر القاع *** ألا يالله لاتجزي غشيم قالها فيه
لهو صفاع ياربي ولا هو للعرب نفاع *** بلاني وإبتلا حاله وبعض الناس مبلية
نهيته قبل هالمره يخلي سيرتي ماطاع *** ألا يالعنبو جد القصيد ويالعن أبو بيه
ضعيف النفس نسونجي يشوف بعينه الأطباع *** يحسب أني مثل ربعه يسوق بضاعته ليه
أنا أشري لا بغيت أشري ولاني مساوم البياع *** ألامن قالي ميه عطيته فوقها ميه
أنا أكتب لأجل من يقرأ ولا أرجي من يقول بداع *** وأبد لاتحسب أن مثلك يشكلي أهميه
وترى ياهيه لامني نويتك بس أطق أصباع *** يجيني ألف شيطان وراهم ألف جنيه
أجرك من طرف حرفك وأرد الصاع مية صاع *** جنون القاف أرقصها على راسك هجائية
ياويلك لو توليتك وربي المالك الشفاع *** يجيك من القصيد إحسب ثلاثميه ثلاثميه
ولكن خلك بحالك مادام إن الصدور وساع *** ترى للحين ماضاقت ولسعها شماليه
