القصيده :{{انا شفت العجب في سوق بنده يوم جيت عصير }}
انا شفت العجب في سوق بنده يوم جيت عصير
مواقف تحزن الرجال وتزيـد الهمـوم همـوم
مناظر مخجلـه يالله ياسامـع دعـاي .تجيـر
اجل كيف الرجل تمشي عليه من الحريم علـوم
رجل مع زوجته واقف وهي في مظهر التخصير
تطاردها عيـون كنهـا طيـر الجـراد يحـوم
عليها عين تسحر من نظر.نظره بـلا تبريـر
ولاظن الجمال إلا صناعـي والهـدب مرسـوم
حلاهـا لاحلاهـا الله تزيلـه ليفـة التطهيـر
شفاه مورده.مكياجهـا فـوق الوجـن مركـوم
وضع ملفت وضع مزري وضع ماله معي تفسير
وضع لادين يرضابه ولاحتـى رضتـه سلـوم
يناظر زوجها في العالم اللـي تلتفـت وتشيـر
يحاكيها يقـول العالـم اشفيهـم علينـا اليـوم
خساره قولة الرجـال .مثلـه كفـوه التحقيـر
ترى كلمة رجل صعبه تقـال لإمعـه ورخـوم
