القصيده :ملح البواريد ريحتنا
صلّينـا جمعـة بمسجدنـا=مجموعنا قارب الخمسيـن
على الغدا الجـار عازمنـا=حاسب حسابه ذبح شاتيـن
لمـا سألـنـاه جاوبـنـا=مطهر عيال بنتـي اثنيـن
مجالـس وسـاع كفتـنـا=من اللي صلوا حضر ثلثين
لبيتنـا جــات جارتـنـا=معها غريفه غطاها صحين
بعـد العشـا كلنـا نمنـ=اقبل الفجر كلنـا صاحيـن
نحـل فاللـيـل واجبـنـا=والصبح نحفظ لنا سطريـن
أذّّن ورحـنـا وصلـيـنـا=مسجدنا وبيوتنا من طيـن
شلنـا كتبـنـا وروحـنـ=االمدرسـه بعدهـا كيلويـن
دبّـاب صـوتـه ينبهـنـا=استاذكم الزمـوا الجنبيـن
جانـا مطـر خيـر بلّلنـا=فالمدرسه نقّطـت فصليـن
لـمـا رجعـنـا تلقطـنـا=الكـل منـا مـلا جيبيـن
مـن يـوم جينـا تغدينـا=مصروفنا قرش أو قرشيـن
منشـار ومغـراب سنينـا=في ساعه تحش لك حوضين
جريـد وكرنـاف لميـنـا=ونعود للبيـت مسروريـن
وجهنـا للعيـن واسقينـا=والكل حافظ وجـاب العيـن
حصيلـة الـزرع وديـنـا=للسـوق صبيحـة الاثنيـن
وان قالوا شركـه تنادينـا=سهـم لهـذا وذا سهميـن
الفاغيـه عطـر بيديـنـا=والورد في المزرعه نوعين
لـحـدودنـا ماتعـديـنـا=باللي قسم ربنـا راضيـن
لاجـا فــرح ماتوانيـنـا=ذبّاحنـا شاهـر السكـيـن
بسلـخ الذبايـح تباريـنـا=بطشّـة الجلـد متساويـن
قدر علـى النـار حطّينـا=تذوّق وقـال ملحـه زيـن
بمشهـاب عليـه ضوّينـا=اقشى عنه غشاوته هالحين
فالمعـرى للـرز غسّلـنـا=حكره مايتجاوز الصاعيـن
طباخنـا لـو غفـل عنـا=من المـرق راح مغرافيـن
جبنـا الحنابـل وفرّشـنـا=برحه تكفّـي لهـا سبعيـن
الزيـر والنـار شغْلتـنـا=كُلاّ يحضّـر معـه عوديـن
ملـح البواريـد ريحتـنـا=علبـة كباسيـن محتسيـن
قـوم المضاخـر قلايدنـا=دبـه وتطاريـف مليانيـن
عريـس بيشانتـه جيـنـا=قرص الخَوَى ينقسم صحنين
فرحـة تلاقـي وعمّتـنـا=طول السنه يمكن جوازيـن
وليا سـروا نلـم حاجتنـا=وشيّابنـا قبلنـا نايمـيـن
الصبح نصحـى بموعدنـا=ماكن حصل شيء نشطانين
ماهـي كمـا الآن حالتنـا=لو نسهـر نقـوم تعبانيـن
ينبـع قـبـل ماتناحيـنـا=جنات تصعب على الناسين
واليوم فـي حـال مشقينـا=لازرتهـا تـذرف العينيـن
يالله يــارب تسقـيـنـا=من المبارك لخيف حسيـن
وترد لنـا عيـون تروينـا=ويعود من أهلهـا الناحيـن
ويـارب تسقـي ضواحينـا=حتى نرى معانق السيليـن
يالله يــارب تهـديـنـا=تبعدنا عن سكـة الغاويـن
وصلّ علـى مبلّـغ الدينـا=وسلم عليه كل وقت وحيـن
