القصيده :من واقع الحال هذي قطـوف - كسرة اجتماعية
ياأهل ينبـع عسـى مابـاس=شاطي عليه الخيام صفـوف
بيوتنا خاليـه مـن النـاس=ماكـان هـذا لنـا مألـوف
البـاب مقفـول بالتـربـاس=من بعد كانوا عليـه وقـوف
بعض العرب صحبته نوماس=والبعض فالنفس عنه عزوف
أحْدالبيتـه يجـي جـسـاس=حتى لجيرانه ماهو معـروف
والبعـض للطيبـه غـرّاس=راعي شهامه بها موصـوف
يلزم لكـل المبانـي سـاس=تحسب حسابك لكل ظـروف
هـذا بظنـي أمـر حسـاس=أمرا على سابقـه معطـوف
على الشواطي خليط أجنـاس=هـذا مغطـى وذا مكشـوف
فالبعـض تبلّـد الإحسـاس=وذيـاب متغطيـه بالصـوف
على الكرامـه برجلـه داس=وقال الحيا فالسجن موقـوف
لايبلغ الحـال حـد اليـا=سونصبح على هايفات جـروف
أخشى من الأمـر لاينحـاس=هذي رسالـه بـلا مظـروف
قبل نتجـرّع مـرار الكـاس=أو تلحق النفس منها حسوف
بنمنع الفاس تصـل الـراس=وشمس ينبع يجيها كسـوف
إنذار دقّـت بـه الأجـراس=بالحرف ماهو بضرب سيوف
هذي حقايق ماهي مـن واس=وان كان عنها النظر مصروف
واهل الفضيله لهـا حُـراس=مايستوي مبصـر ومكفـوف
مايغشى راع الضمير إفـلاس=مهما حياته غشاها صـروف
الأرض فيها وطى وطعـاس=من واقع الحال هذي قطـوف
