القصيده :كل ماذكرو له سهم يشري - كسرة تصف حال مساهمي الأسهم

الكـل يسعـى ولا  يـدري=عن الذي في غده مكتـوب 


يقابْلـك بعضهـم  يجـر=يويقول دايـم انـا مغلـوب 


ديون قد ضيّقـت صـدري=من حاجتي جيتها مغصوب 


ولو إنتبـه للأمـر بـدري=ماصدّق حكايـة المنـدوب 


قال ابشر بحلّهـا  جـذري=واخذ يحسّب على الحاسوب 


وبلّغـه بالأمـر  ســري=وبالدقه القسط له  محسوب 


راح إشترى سهوم فالبحري=قالوا سهمها ترى  مرغوب 


وكل ماذكرو له سهم يشري=وكلّه أمل يحصل  المطلوب 


بعد شهر والخبـر يسـري=السوق ممشاه  بالمقلـوب 


إما إنـك تبيـع بالجبـري=ولاّ ترى البنك عنك ينـوب 


نفسيّتـه حالهـا  مـزري=وراتبـه دايمـا مسحـوب 


يصيـح ويقـول واقهـري=لو راس مالي يجي  لاتوب 

بقلم : مبارك القش