يمكن تحس اني مع البعـد   ناسيـك
لكن تأكـد .. مـا نسيتـك   ثوانـي


لا مر طيفك قمت اهوجس   واحاكيك
واشكي لى طيفك كثر ماهو    شكاني


واتذكر اشيائـك .. واردد   اغانيـك
وابكي اذا حسيت حظـي    رمانـي


واحمّل النسمات طيـف ٍ    يناجيـك
واطلق مع ذكرااااك صهوة   عنانـي


واحسّ تتسأل عن احـوال  مغليـك
واجاوبك ..تذكر مكاني!    مكانـي!!


وتقول: لي وشفيك؟ واقول: وشفيك !
وشلون ما تبغى بعدهـا    اعااانـي!


وتقول: لي طيفي تركتـه    يداريـك
واقـول: طيفـك للمهالـك   حدانـي


وتقول: لي تبكي! وانا اللي   موصيك
واقول: لك تبغى ازف ّ    التهانـي!!


صرت اتجرع مرّ من دون   حاليـك
واكتب على الفرقا قصيـد واغانـي


لا جيت ابكتب مدح لازم   اطريـك!
ولا جيت ابكتب حب مالحب   هانـي


صرت اكتب الفرقا بفحوة    معانيـك
واطلع مع فرقاي بأصدق    معانـي!


واسامر النجمة وانا اقـول :   لبيـك
اسمع وحيـك.. ولا اكـذب   اذانـي


وانته بعيد ٍ مـا وصلنـا   اراضيـك
الا انك اقرب من صفوف   المحانـي


ولاجابو اسمك جيت كني   معاديـك!
عشان مسمع قول خلّـي نسانـي   !


والا انت وافي والوفا مـا    يخليـك
والطيب بصلك ما خفـاك   وخفانـي


لذا .. تصبّر والصبر فـي معاليـك
يهون .. يوم ٍ قلت : تكفى    عشاني!