القصيده :الرســــالـــــه
يامطاوع النفـس ياغافـل=يكفي مـن اللهو والغفلـه
ماتعتبـر فالـذي حاصـل=للي مجـاور نهـر دجلـه
الهـدم والقتـل متواصـل=يخشى الأبُ يغـدره نجلـه
من يتبع فسيـره الفاشـل=يلقى الردى لو علا أصلـه
واللي إشترى دون مايفاصل=لابـد ينـدم علـى فعلـه
رزقك من الرب لـك نـازل=وانت معاصيك تصعـد لـه
مايقبـل المسألـه عاقـل=اللي لربـه عـرف فضلـه
ضاع العمر وانت متشاغل=عن شيء مخلوق من أجله
مايـوم فكّـرت فـالآجـل=والقبـر. وضمتـه قبلـه
سِجِّل عليك العمـل كامـل=حتى اللي أصغر من النمله
أرهقـت بذنوبـك الكاهـل=لو حاسبـك ربنـا بعدلـه
ياويلها النفس من جاهـل=هواه سيطر علـى عقلـه
يسـاوي الحـق بالباطـل=هو يحسب المسأله سهلـه
مسعاه للمعصيـه عاجـل=مايحسب لماقـف الذهلـه
ولا العبـاده بهـا خامـل=قصّر بهـا ولا أمَـر أهلـه
لاتسوف اليـوم وتماطـل=قوم إغتنم باقـي المهلـه
