القصيده :وأعلى المراتب يجي الإحسان
لو يوضع الحـب فالميـزان=كم فاعتقادك يكـون الـوزن
ولـو قـرنـاه بـالأحـزان=من الذي ترجحه عـن مـن
كم فالشجرمن ورق وأفنـان=وكم فالأراضي من المعـدن
كم وزنها الأرض بالأطنـان=وكم انزل الله سلـوى ومـن
كم ثار فالنفس مـن أشجـان=والنفـس للمشتهـى مكمـن
إسلامنـا خمسـة الأركـان=وإيمان فـي مرتبـه اثمـن
وأعلى المراتب يجي الإحسان=راعيه من الصفـوف أيمـن
إن كان مقصودنا لـك بـان=نستسلـم بربـنـا نـؤمـن
أرسـل لنـا مثلنـا إنسـان=ورسالتـه شاملـه للـجـن
أوحـى لـه الله بالـقـرآن=على جميـع الكتـب هيمـن
الله مـن أسمائـه الرحمـان=حزبـه يبلغـهـم المـأمـن
هيأ لهـم واسعـات جنـان=فيها مـالا شافـت الأعيـن
وما جال في صافي الأذهـان=ولا سمعت بشيء منـه الأذن
والحزب الأخر حزب شيطان=بنيه مـن العنكبـوت أوهـن
فالأخـره يصالـي النيـران=وشربه من السائـل المنتـن
عليهـم تـوصّـد البيـبـان=في قـاع نيرانهـا استوطـن
من يبخل يصاحـب الثعبـان=أموال في صرفها مااحسـن
فـي كفتـه خفّـت الأوزان=هـذي محاصيلـه الأرعـن
ياكـم شيّـد مـن البنـيـان=وعن مقصده بالسفـر اعلـن
ولاجا يحكّيـك باللـي كـان=عن ماهو أسوأ من أسوأ ظن
يزعـل إذا قلتلـه غلطـان=ويقول منته من أهـل الفـن
محزن إذا عميـت العينـان=وعمى البصيره هو الأحـزن
يانـاس ماللزمـان آمــان=قـول الـذي فيـه متمعـن
من يطلب لنفسـه اطمئنـان=تلقى المصائب عليـه أهـون
للنفس عـن الهـوى سجّـان=فالعاقبـه فـكّـر وأمـعـن
حفظ لسانه وعرضه صـان=وإيمـان فالقلـب متمـكـن
اللي سبـق علـق النيشـان=كسب رضـا ربـه المؤمـن
كـلام صادرمـن الوجـدان=لكـل مـن قولنـا يثّـمـن
ارجـو بهـا لطفـه الديـان=ولرحمتـه ربـنـا ازبــن
