تضيق بعيني الدنيا لامن شافتك زعلان=وقلبي ينكسر مثل الزجاج اللي يعافونه





انا في خاطري شور ٍ يبيله صبر ٍوكتمان=واخاف تفسر المعنى غلط وتبدد شجونه





انا ابيك القوي الصلب .. ابيك الطيب الولهان=رجيتك لاتجدد حزن في قلب ٍشكى طعونه





طلبتك ياحياة القلب انسى الهم والحرمان=انا ماابيلك الذله ونزلة راس يشرونه





ابيك اقوى من الموقف ابيك الساجن السجان=ابي كيد الحسد يبطل ..وراسك مايذلونه





ولك حبٍ بقلبي تملكه يالعاشق الولهان=واطلب ربي يفرجها على قلبك ويصونه





طلبتك ماابي من دنيتي زود ٍ ولا نقصان=ابيك بس متهني وابي قلبي تراعونه








قصيدة : عيون الشوق