السلام عليكم ورحمة الله وبركاته



ياقلب من ودك فلازم توده=جاز الذي يجزاك أحسان بحــسـان

واللي يواجه المحبة بصده=خله عسى مالــه مــع النـاس خـلان

البارحة سهران لصبح حده=وبدعت من كثر السهر هم ولهان

من شفت زول اللي شعرها تكده=كنه تكد القلب في عسر الأزمان

العين عين الريم والورد خده=طب المريض اللي يناضر بالأعيان

والخشم مثل سيف  باطراف حده=نصرت ظليم وطعام جايع وعطشان

واليا تبسم نعنبو غير جده=مبسم كشف عن صف لؤلؤ ومرجان

لا واهني منهو كسب قلب وده=يرشف عسل صافي ولاهو بشبعان

يقولها اللي بيح الحب سده=وثارة معاليقه من الشوق بركان


وسلاامتكم