صـوت حبيبـي وقبـل أقـول ياعونـك
شكى جروحه .. ورحت أشكي له طعوني 
يقول : ماأقدر أعيش اليـوم مـن دونـك
وأقـول حتى ولـو ماعشـت مــن دونــي 
يمكن أنا اكون أعـز إنسـان  في عيونـك
بس أنـت والله كـل النـاس  في عيونـي 
لا صرت ربعـي وداري وفّيّـة جفونـك
وش دخل الناس .. خل النـاس يجفونـي 
يكفيني إن أنـت لامـن قلـت  وشلونـك
تطيب كل الجـروح .. ويختلـف لونـي 
وأن كان منتب مصدقنـي علـى  هونـك
تعـال طالـع دروبـك ويـن  ودونــي 
أصبحت اجامل اعـداي اللـي  يحبونـك
وأكـره مشاهـد اعـداك اللـي يحبونـي 
ومن كثر ما أحب وأكره عنك  وأصونـك
أصبحت دفتر مشاعر وأنـت  مضمونـي 
إن غبت عنـي شعـرت بلـذة  طعونـك
وإن شفت زولك شعرت بقيمـة  عيونـي 







للشاعر / فهـــــد المساعد