القصيده :الله حسيبك على كل ماجرى وصار

الله حسيبك على كل ماجرى وصار=والله حسيبك على كل جرح فيني

والله يجازيك عني بسو الاقدار=تظلم بك الدنيا يسار ويميني

وانا اللي من عادتي عالغبن صبار=حملتني فوق حملي طا قتيني

كنت ارسمك في زوايا القلب تذكار=كنت الامل والرجاء فباقي سنيني

كنت اكتبك من ضميري جزل الاشعار=كنت اسهرك حتى صباحي يبيني

أخذتني مغرم وعاشق ومحتار=وهديتلك قلبي وروحي وعيني

هذا الوفاء طبعي وانا نسل الاحرار=والطيب من ساسه بنتها يديني

واليوم ياصاحبي بيحت الاسرار=بانت خفاياك ما عاد تخفيني

ما كنت اضنك تذوقني الامرار=وتفرح على طيحتي ولا تهجيني

امنتك القلب لين الدم معه ثار=تجرح فؤادً بغاك ولا يبيني

كل ما تذكرت ولا اعيد الاذكار=حارت معاني حروفي لا تبيني

ما كنت اصدق بك اليا قيل غدار=ما كنت اصدق بك هروجً تجيني

خذ ما بقالك وانا ابرحل عن الدار=واخذ بقاياي والله لي عويني

رح لا تكثر علي وتزيد العذار=انسى اللذي كان ما بينك وبيني 

بقلم : أحادي الصمت