قالوا علامك ماتجر اللحوني=وتجيب من بدع القصايد بالامثال

قلت اه ليت بحالتي تعلموني=مكان جيتوا تنشدوني عن الحال

ياللي جهلتم حالتي اتركوني=حالي حداه هموم كبار وأجلال 

وجدي كما وجد الذي بالسجوني=حكم عليه اعدام في حكم محتال

عالوا عليه اعداه وامسى مغبوني=وحيد لاعم ولا خال وعيال

لاجاء قصاصه قال يالله عوني=ثم افهقو يومه بعد عدة اليال

خطراً على مثله يصاب بجنوني=ولا يموت من القهر ضيم وذلال

حاله مثل حالي ولو قلت دوني=جهل المصير اقوى على قلب رجال

وانا مصيري في يدين الحنوني=اللي شبكني دون مايرمي احبال

غرواً سلب عقلي بنظرة عيوني=اسمرعفر تحير في حسنه اخصال

منسب ومكسب للذي يكسبوني=ادعج غنج إليا طرقه الهوى مال

قد وخد من الهوى يشتكوني=فوق الشفايا تسحرك حبة الخال

واليوم من بعد انهم فارقوني=اشيل حزني فوق متني ولا زال

من بعد ماهم بالهوى ولعوني=راحت وخلتني برى حالي الحال

ياليتهم راحوا ولا ودعوني=ماكان شافو دمع عيني لها سال